“Челси” бош мураббийи Жозе Моуриньо “Арсенал” билан ўйиндан сўнг жамоа ҳужумчиси Диего Костанинг учта учрашувга четлатилганига муносабат билдиришдан бош тортди.

“Мен бу қарорни шарҳламоқчи эмасман. Агар фикр билдирсам, ушбу вазият майда тафсилотларигача ўрганиб чиқилади ва ҳис-ҳаяжонга берилиб гапирганим учун ўзимни ҳам дисквалификация қилишлари мумкин.

Бу нарса на менга ва на жамоамга керак. Биз ўзи шундоқ ҳам муҳим ўйинчимизни учта ўйинга йўқотдик. Мураббийсиз футбол ўйнаб бўлмайди. Шу сабабли жим турганим маъқул”, - дея Bombardir.ru Моуриньонинг сўзларини келтиради.