Эртага Ўзбекистон чемпионатининг 23- турида "Навбаҳор" Қаршида "Насаф"га қарши ўйин ўтказади. Жамоаларнинг ўзаро тўқнашувига тўхталиб ўтсак.
Ушбу беллашув клубларнинг Олий лигадаги 38- тўқнашуви бўлади. Шу пайтга қадар ўтказилган 37 ўйинда "аждарлар" 19 маротаба ғолибликни қўлга киритишган. "Навбаҳор" эса 10 бор "Насаф"ни ранжитган. 8 баҳсда дуранг натижа қайд этилган. Эътиборлиси, тўплар нисбатидаги кўрсатгич "Насаф" фойдасига атиги 1 тўпга фарқ қилади (56-58). "Лочинлар" Намангандаги тўқнашувларнинг 18 тасидан 4 тасида "аждарлар"га имкониятни бой беришган. "Насаф" майдонида жамоамиз атиги икки маротаба ғалаба билан қайтган. 1998- йилда "насафчилар" ўз майдонларида наманганликларга мағлуб бўлишган. Орадан бир йил ўтиб Қаршидан "Навбаҳор" 3 очко билан қайтганди. Ушбу ғалаба ҳозирча меҳмонда қўлга киритлган сўнгги ғалабалигича сақланиб турибди. "Навбаҳор" "Насаф"ни 2004 йилда 6:0 ҳисобида мағлубиятга учратган. Ушбу ҳисоб ҳозиргача жамоамизнинг рақиб устидан қозонган энг йирик ғалабаси бўлиб турибди. "Насаф" аламини 2013 йил ўз майдонида олишга муваффақ бўлди. Қаршида наманганликлар ўз дарвозаларидан жавобсиз бешта тўп ўтказиб юборишган. Эътиборлиси, ушбу натижа "Навбаҳор"нинг "Насаф"га қарши ўйинлар тарихидаги дастлабки ва сўнгги йирик ҳисобдаги мағлубият бўлиб сақланиб қолди. 2001 йилда жамоалар энг сермахсул беллашувни ўтказишган. 14 йил аввал Наманганда томошабинлар 8 та голга гувоҳ бўлишганди.
Томонларнинг бринчи даврадаги Наманганда бўлиб ўтган дастлабки тўқнашувида дуранг (1:1) кузатилганди. Учрашувда Мақсуд Каримов голига Мўйдин Мамазулумов ўйин сўнггида жавоб қайтарган. Эртанги ўйинни Равшан Эрматов бошқариб боради. Унга қанотларда Абдухамидулло Расулов (Тошкент) ҳамда Жаҳонгир Саидовлар (Тошкент) ёрдам беришса, захира ҳаками сифатида Даулетбай Жалимов (Нукус) қайд этилган. Баҳс назоратчиси тошкентлик Игорь Мустафин.
Ўзаро ўйинлар:
1997 йил
“Насаф” – “Навбаҳор” 3:1
1998 йил
“Насаф” – “Навбаҳор” 0:1
1999 йил
“Насаф” – “Навбаҳор” 1:3
2000 йил
“Насаф” – “Навбаҳор” 3:2
2001 йил
“Насаф” – “Навбаҳор” 2:1
2002 йил
“Насаф” – “Навбаҳор” 3:2
2003 йил
“Насаф” – “Навбаҳор” 3:2
2004 йил
“Насаф” – “Навбаҳор” 3:1
2005 йил
“Насаф” – “Навбаҳор” 2:0
2006 йил
“Насаф” – “Навбаҳор” 1:0
2007 йил
“Насаф” – “Навбаҳор” 1:0
2008 йил
“Насаф” – “Навбаҳор” 2:1
2009 йил
“Насаф” – “Навбаҳор” 1:0
2010 йил
“Насаф” – “Навбаҳор” 1:0
2011 йил
“Насаф” – “Навбаҳор” 3:2.
2012 йил
“Насаф” – “Навбаҳор” 1:1
2013 йил
“Насаф” – “Навбаҳор” 5:0
2014 йил
“Насаф” - “Навбаҳор” 1:0
