Ёзги трансферлар вақтида “Байер”га келган ва ўтган мавсум ижара асосида “Реал”да ўйнаган мексикалик ҳужумчи Хавьер Эрнандес “Барселона” форварди Лионель Мессининг жароҳат олганидан хафа эканини маълум қилди.
“Футболчи учун, инсон учун энг муҳими - соғлик. Футболчининг жароҳат олиши эса ҳар доим ёмон воқеа бўлиб келган.
Ўйинчининг жароҳат олганидан хурсанд бўлиш нотўғри ва умуман азобланаётган одамнинг устидан кулиш инсонийликка зид”, — дея Эрнандес сўзларини келтиради Marca га таяниб Championat.com.