"Манчестер Юнайтед” собиқ ҳимоячиси Гари Нэвиллнинг фикрича “Манчестер Сити” ярим ҳимоячиси Яя Туре Англия чемпионатида ўз позициясининг энг кучли вакили.
Телевидиениеда эксперт сифатида ишлаётган собиқ футболчи Туредан кетма-кет учта ўйинда юқори савияли футболни кутиш нотўғри эканини ҳам таъкидлади.
– Яя Туре инсон бўлгани учун ҳам ҳафтасига учта учрашувда бирдек юқори савияда ўйнай олмайди. У фантастик футболчи, лекин мен мураббий бўлганимда Яяни муҳим ўйинлар учун сақлаб қўйган бўларди. Ўйини яхши чиққан вақтда Англия чемпионатида унга етадиган футболчи топилмайди. Бироқ бир ҳафта давомида ундан кетма-кет 3 та учрашувда қахрамонлик қилишини кутишда мантиқ йўқ, – дея Нэвилл сўзларини келтиради Sky Sports га асосланиб “СЭ”.
