Виктор Жалилов Ўзбекистон олимпия терма жамоасининг Тошкентдаги йиғинига таклиф этилган футболчилар рўйхатини маълум қилди.

Қатарда бўлиб ўтадиган Осиё чемпионатига тайёргарлик кўраётган Ўзбекистон олимпия терма жамоаси 9-13 октябр кунлари Тошкентда қисқа муддатли ўқув-йиғинини ўтказади. 

Ўзбекистон олимпия терма жамоамиз Осиё чемпионати олдидан декабрь ойида БААда иккита йиғин ўтказиши кўзда тутилган. Дубайдаги дастлабки йиғин 2-14 декабрь кунларида бўлиб ўтса, иккинчи йиғин 17-28 декабрда ўтказилиши режалаштириляпти.

Қуйида Ўзбекистон олимпия терма жамоасининг Тошкентдаги йиғинига чақирилган футболчилар рўйхатини келтирамиз.

Дарвозабонлар: Асилбек Омонов ("Қўқон-1912"), Абукарим Муҳаммедов ("Бунёдкор"), Жавоҳир Илёсов ("Машъал").

Ҳимоячилар: Бобурбек Йўлдошев ("Локомотив"), Жавлон Мирабдуллаев ("Металлург"), Максимилиан Фомин ("Бухоро"), Диёр Туропов ("Олмалиқ"), Абдуллоҳ Алимов ("Андижон"), Ҳасан Асқаров ("Динамо")

Ярим ҳимоячилар: Отабек Шукуров ("Бухоро"), Жаҳонгир Абдумўминов ("Олмалиқ"), Никита Павленко ("Олмалиқ"), Жалолиддин Машарипов ("Пахтакор"), Дониёр Усмонов ("Қўқон-1912"), Икром Алибоев ("Локомотив"), Қувондиқ Рўзиев ("Қўқон-1912"), Жамшид Искандеров ("Пахтакор"), Тимур Ҳакимов ("Оқ-Тепа"), Владимир Козак ("Пахтакор").

Ҳужумчилар: Жасур Ҳакимов ("Сўғдиёна"), Шоҳназар Норбеков ("Металлург"), Холмурод Холмуродов ("Машъал").