Ғузор “Марказий” ўйингоҳида бўлиб ўтган “Шўртан” – “Қўқон - 1912” жамоалари ўртасидаги 2:2 ҳисобида якун топган учрашувдан сўнг ўтказилган матбуот ҳизмати вакиллари билан суҳбатнинг иккинчи қисмига “Оқ бўрилар” ёрдамчи мураббийи Зоир Тўрақулов ташриф буюриб, ўйин ҳақида қуйидаги фикрларини билдириб ўтди:

Бугунги учрашувда эришган натижамизда йигитларимизнинг айби бор, деб ҳисоблайман. Бунинг учун ҳакамларнинг ҳаракатини айблолмаймиз. Йигитлар ҳужумлар орқали яратилган кўплаб хавфли вазиятларни мантиқий якунигача етказа олишмади. Бирин-кетин қатор ҳатоларга йўл қўйилди. Йигитлар бугун тартибсиз ўйин намоиш этишди. Ўйин услубимиз ҳам бузилди. Ҳисобда олдин бораётганлигимизга қарамай, тўпни назорат қилишни ҳам уддасидан чиқишмади. Натижада ноаниқ ҳаракатларимиздан фойдаланган рақибларимиз бизни жазолашди ва қўлимиздаги ғалабани олдириб қўйдик. Бунинг барчасига йигитларнинг ўйиндан олдинги ўзига бўлган ҳаддан зиёд ишончи сабаб бўлди, деб ҳисоблайман.