Олий лиганинг 24-туридан ўрин олган учрашувлардан бири Ғузор “Марказий” ўйингоҳида бўлиб ўтган “Шўртан” ҳамда “Қўқон-1912” жамоалари ўртасида кечган муросасиз баҳсдан сўнг, меҳмон жамоанинг бош мураббийи Рустам Абдуллаев ушбу ўйин таассуротлари ҳақида шундай дейди:

Бугунги учрашувда дуранг натижага эришиб, бир очкони қўлга киритганимиздан хурсандман. Сабаби, сафардаги ҳар қандай очко ғалабага тенг, деб ҳисоблайман. “Шўртан” яхши шакллланган жамоа. Аммо бугунги баҳсда мезбонлар бир қанча қулай вазиятлардан фойдалана олишмади. Бизни эса аксинча, қарши ҳужумда омадимиз келиб, рақибимиздан ғалабани тортиб олишга эришдик. Бугун бир қанча футболчиларга имконият бердик. Жумладан орқа чизиқда ўйнайдиган Игорь Голбан ҳужумда ўзини кўрсатди ва ишончимизни оқлади. Футболчиларимнинг бу йўсинда ўсиб бориши, биз мураббийлар учун кейинги учрашувларга кимни қўйиш тўғрисидаги вазифаларимизни мушкуллаштиради, бош оғриғимиз ошади (кулади).