Ўзбекистон терма жамоаси аъзоси Санжар Турсунов ҳаракат қиладиган “Ворскла” жамоаси Украина чемпионати 10-турида бугун турнир етакчиларидан бири Киевнинг “Динамо” клубини қабул қилади.
Эътиборлиси, бугунги рақиблар Украина чемпионатининг жорий мавсумида ҳали бирор марта мағлубиятга учрашмаган.
Киевликлар ортда қолган 9 турдан сўнг 8 та ғалабага эришиб, бир бор дуранг ўйнашган, тўплар нисбати: 18-2.
Турсунов жамоаси эса 3 бор ғалаба қозонган ва 6 марта муроса йўлини танлаб, ҳозирча жадвалда олтинчи ўринни эгаллаб турибди, тўплар нисбати: 11-8.
Эслатиб ўтамиз, “Ворскла” – “Динамо” Киев учрашуви Тошкент вақти билан соат 21:30 да бошланади.
Украина чемпионати
10-тур
Ворскла – Динамо Киев
