ФИФА ахлоқ қўмитаси ташкилотнинг яна икки нафар аъзосини ўз лавозимидан вақтинчалик четлатди. Бу ҳақда ташкилот матбуот хизмати хабар тарқатмоқда.
УЕФА президенти ва ФИФА вице-президенти Мишель Платини, шунингдек ФИФА Бош котиби Жером Вальке ўз лавозимидан 90 кунга четлаштирилди. Агар зарурат туғилган ҳолларда бу муддат яна 45 кунга узайтирилиши мумкин.
Эслатиб ўтамиз, олдинроқ ФИФА президенти Йозеф Блаттер худди шундай жазога тортилган ва 90 кунга ўз лавозимидан четлаштирилганди.