Марк-Андре тер Штеген "Барселона"ни тарк этди. 33 ёшли дарвозабон жорий мавсум якунига қадар ижара асосида "Жирона"га ўтди. "Кўк-анорранглилар"нинг мавсумнинг қолган қисмидаги асосий сардори марказий ҳимоячи Рональд Араухо бўлади.
Уругвайлик футболчи жорий мавсумда 16 марта майдонга тушиб, 2 та гол уришга муваффақ бўлди. Ноябрь ойи охири - январь ойи бошида Араухо психологик муаммолар туфайли жамоа қароргоҳида бўлмаган: 26 ёшли футболчи Чемпионлар Лигаси доирасида "Челси"га қарши ўйинда (0:3) қизил карточка олганидан кейин руҳий қийинчиликларга дуч келган. Тажрибали марказий ҳимоячи "Барселона" сафида 2018 йилдан буён тўп тепиб келмоқда.
