Мамлакат миллий чемпионатида юзага келган танаффус пайтида ўйин амалиётига эга бўлиш учун ҳамшаҳарларимиз 10 октябрь куни пойтахтда “Локомотив”га қарши назорат учрашувини ўтказадиган бўлишди, дея хабар бермоқда "Металлург"
Бу кўрик ўйини соат 16:00 да Тошкент темир йўллари муҳандислик институти стадионида бўлиб ўтади. Айни пайтда бекободликлар Чирчиқ шаҳрида машғулотларни давом эттиришяпти. Футболчиларнинг барчаси соғ-саломат. Жароҳат олган ўйинчилар ҳам саломатликларини тиклаб, йиғинда фаол қатнашишмоқда. Фақатгина назорат учрашувида Ўзбекистон Олимпия терма жамоасидан йиғинга чақирув олган ҳимоячи Жавлон Мирабдуллаев ҳамда ҳужумчи Шоҳназар Норбековлар иштирок эта олишмайди.
