Мадриднинг «Реал» клуби ҳужумчиси Криштиану Роналду Москванинг «Спартак» клуби ва Россия терма жамоаси сардори Роман Широковни беҳад хурсанд қилди.

Аниқроғи, таниқли португалиялик футболчи ҳамкасбининг ўғли туғилган кунини нишонлаётганидан хабар топиб, унга ўз дастхати туширилган сурат юборди. Айтилишича, бу ишнинг амалга ошишида «Реал»даги россиялик футболчи Денис Черишевнинг катта ўрни бор. Бу ҳақда Широков Instagram ижтимоий тармоғида маълум қилган. Унинг сўзларига қараганда, кутилмаган бу совға кичик Широковни жуда мамнун қилган ва у ҳам келажакда Роналду каби футболчи бўлишни орзу қилмоқда.