“Бунёдкор” бош директори Бахтиёр Бобоев “Насаф”га қарши бўлиб ўтган Кубок финалидан сўнг ўз фикрини билдириб ўтди:

“Насаф” жамоасини ғалаба билан табриклайман. Ўз футболчиларимга ҳам ўйин учун миннатдорчилик билдираман. Қизил карточка ўйинни бузиб қўйди. Четлатишдан сўнг рақиб бизга кўплаб ташвишлар туғдира олди. Акром Комиловни қизил карточка учун айблаш нотўғри. У ҳам имкон қадар жамоага ёрдам бераман деб ҳаракат қилаётганди. Комилов ўйин пайтида учрашувга берилиб кетгани сабаб кескин ўйнаб юборди”, — дейди Бобоев.