Ўзбекистон Биринчилиги иккинчи давра иккинчи босқичи ўйинлари доирасида тур учрашувларига ташриф буюрмаганликлари учун Ўзбекистон Биринчилигида иштирок этувчи "Орол" ҳамда "Косонсой" клубларига нисбатан интизомий чоралар кўрилди.

Ўзбекистон Биринчилиги иккинчи босқич 9-тури доирасида "Ёзёвон-Лочинлари"га қарши учрашувга ташриф буюрмагани ва 2015 йилги мусобақа регламенти бузгани учун (Тартиб-интизом кодекси, 5 модда, 5.3 пункти) "Орол ПФК" клубига техник мағлубият ёзилди (-:+). "Ёзёвон Лочинлари" клубига эса, мазкур учрашув учун техник ғалаба ёзилди (+:-) ҳамда клуб ҳисобига 3 очко қўшилди. Бундан ташқари "Орол ПФК" жаримага тортилди.

Ўзбекистон Биринчилиги иккинчи босқич 12-тури доирасида "Орол" клубига қарши учрашувга ташриф буюрмагани ва 2015 йилги мусобақа регламенти бузгани учун (Тартиб-интизом кодекси, 5 модда, 5.3 пункти) "Косонсой" клубига техник мағлубият ёзилди (-:+). "Орол" клубига эса, мазкур учрашув учун техник ғалаба ёзилди (+:-) ҳамда клуб ҳисобига 3 очко қўшилди. Бундан ташқари "Косонсой" ПФК жаримага тортилди.