“Арсенал” ҳужумчиси Оливье Жиру Чемпионлар Лигаси 3-тури “Бавария”га қарши учрашувдан(2:0) олган таассуротлари билан ўртоқлашди.
“Гол киритгунимизгача яхши ўйин намойиш қилдик ва яхши ҳимояландик. “Бавария” тўпни назорат қилишга одатланган. Улар тўпни ўзларида ушлаб туришни ёқтиришади. Учрашув охирида тўплар нисбати бўйича мюнхенликларнинг устунлиги 70% га етди.
“Бавария” ўйинда устунлик қилди, лекин биз буни йўққа чиқаришни уддалай олдик. Ғалаба мусобақада қолишимиз ва плей-оффга чиқиш учун имкониятларга эга бўлишимиз учун сув ва ҳаводек зарур эди.
Петр Чехдан миннатдор бўлишимиз керак. У ўйинни жуда ажойиб ўтказди”, – дея Жиру сўзларини келтиради BT Sport га таяниб Sports.ru.