“Бунёдкор” – “Пахтакор” учрашувидан кейинги матбуот анжуманида биринчи бўлиб “шерлар“ устози иштирок этди.

- Биринчи бўлимни яхши ўтказа олмадик. Танаффусдан кейин ўзимизни ўзгартириб, яхши вазиятлар содир этдик. Бироқ гол уришга келганда аниқ ўйнай олмадик. “Бунёдкор” эса ўз вазиятларини голга айлантирди ва ғолиб бўлди. Буун кўп хато қилдик. Марказда Махарадзенинг йўқлиги сезилди. Тўғри, бугунги учрашувга қадар рақибга қараганда бизда бир кун кўп вақт бўлган эди. Одатда ютқазилган ўйинларда жамоа эмас, мураббий ютқазади. Бироқ жамоадаги ички муаммолар ҳам ўз таъсирини ўтказмай қолмаяпти. Ойлик маошларимизни анчадан бери олмаяпмиз. Шунингдек, захира ўриндиғимиз жудаям тор. Қисқа қилиб айтагнад, таркибимизда рақобат йўқ. Энди “Локомотив” билан орадаги очколар сони биттани ташкил этмоқда. Мавсумнинг қолган қисми қизиқарли ўтади, деб ўйлайман, - дейди Нўъмон Ҳасанов.