20 октябрь куни Киевдаги "Олимпийский" ўйингоҳида "Динамо" ва "Челси" ўйини вақтида безорилар таъқибига учраган қора танли мухлис аввал айтилганидек "Челси" фанати эмас, маҳаллий ишқибозлардан бири бўлгани маълум қилинди. Бу ҳақда FARE (Football Against Racism in Europe) ташкилоти директори, ФИФАнинг ирқчиликка қарши кураш бўйича комиссияси аъзоси Пиар Повар маълум қилди.
"Бу ҳужум "Динамо" мухлисига нисбатан амалга оширилган. "Челси" мухлислари бошқа секторда, хавфсиз шароитда ўйинни кузатиб боришган. Бу иш бўйича ягона муаммо стадион ходимларининг бу воқеанинг олдини ололмагани ҳисобланади. "Динамо"га бу бўйича саволларимиз бор", дейди Повар.
Эслатиб ўтамиз, «Динамо» жамоаси ирқчи мухлислари туфайли ЕЧЛдан четлатилиши мумкинлиги хабар қилинганди.
Украинлар жамоасига нисбатан қатъий жазо қўлланиши, жамоа ЕЧЛ турниридан четлатилиши, ёки мухлисларсиз стадионда ўйинлар ўтказишга маҳкум этилиши ҳамда очколаридан маҳрум қилиниши мумкин.
