"Арсенал" жамоасининг колумбиялик дарвозабони Давид Оспинанинг Лондондаги уйига номаълум шахслар ўғриликка тушишди. Бу ҳақда London Evening Standard нашри хабар берди.

Манбанинг маълум қилишича, бу вақтда футболчининг рафиқаси ва болалари уйда ухлаётганди.

Ўғрилар уйдан Mercedes AGM автомобили калитини олиб кетишган.

Футболчи эса бу вақтда Англияда эмасди. У терма жамоаси сафида Перу терма жамоасига қарши ЖЧ саралашидаги 3-тур ўйинида қатнашиш учун Жанубий Америкага жўнаб кетган.

Қайд этилишича, ўғрилар автомобилдан бошқа нарса олиб кетишмаган.
Бироз ўтиб, автомобиль ҳам топилган.