Юз йиллиги нишонланадиган Америка кубоги (Копа Америка) мусобақаси 2016 йилда АҚШда бўлиб ўтади, дея хабар беради АҚШ ФФ расмий сайти.
Аввалроқ Жанубий Америка футбол конфедерацияси (КОНМЕБОЛ) ва Шимолий ва Марказий Америка ва Кариб денгизи ҳафзаси мамлакатлари футбол конфедерацияси (КОНКАКАФ) ҳамкорлигида ўтказиладиган ушбу мусобақа ФИФАдаги коррупция жанжали туфайли ўтказилиши номаълум бўлиб турган эди.
Мусобақада КОНМЕБОЛНИНГ 10 вакили: Аргентина, Боливия, Бразилия, Чили, Колумбия, Эквадор, Парагвай, Перу, Уругвай и Венесуэла иштирок этади.
КОНКАКАФдан эса олти жамоа қатнашади: мезбон - АҚШ, Мексика, Коста-Рика ва Ямайка. Яна икки терма жамоа шу кузда сараланади.
Мусобақанинг аниқ муддати ва ўтказиш жойлари кейинроқ аниқланади.
