Бу жамоаларнинг ўзаро учрашувлари хоҳ миллий чемпионат, хоҳ Ўзбекистон кубоги доирасида бўлсин, доимо шиддатли ва муросасиз кечган.
Миллий чемпионатлар тарихига назар солсак, ҳозиргача “Қизилқум” — “Локомотив” жамоалари йигирма бир маротаба ўзаро рўбарў келган. Шундан еттитасида навоийликлар зафар қучган бўлса, тўртта ўйинда томонлар муроса йўлини танлашган. Қолган яна ўнта баҳсда омад темирйўлчиларга кулиб боққан.
Тўплар нисбати бўйича ҳозирча устунлик “Локомотив” томонида — 18:29.
Ўзаро ўйинларда навоийликлар рақибидан 25 та очкони тортиб олган. Темирйўлчилар эса 34 очко жамғаришга муваффақ бўлган.
Бу жамоаларнинг охирги учрашуви биринчи даврада Тошкентда ўтказилган. Унда учрашувнинг 2-дақиқасида Жасур Ҳасанов киритган ягона гол темирйўлчиларга уч очокни тақдим этганди.
Мазкур ўйин олдидан ҳар икки жамоа таркибида жиддий йўқотишлар йўқ. Фақат катта ўзгариш темирйўлчилар мураббийлар таркибида амалга оширилганини ҳисобга олмаганда барчаси рисоладагидек. Боиси, 25-турда “Локомотив” сафарда “Қўқон-1912” жамоаси билан ўзаро очколар бўлишганидан кейин бош мураббий Вадим Абрамов ҳамда мураббий Марат Мифтахуддинов темирйўлчилар мураббийлар штабини тарк этишган.
Бу ўзгаришдан кейин охирги турда “Локомотив” футболчилари Тошкентда “Бухоро”ни қийинчиликсиз (2:0) мағлубиятга учратишганди.
Ишонамизки, Навоийда бўладиган навбатдаги учрашув ҳам муросасиз ва ҳаяжонли кечади. Қолаверса, “Қизилқум”нинг темирйўлчилар учун ноқулай рақиб эканлигини назарда тутсак, кончилар ўз мухлисларини хурсанд қилишига умид қиламиз. Жамоамизга фақат омад ва ғалаба ёр бўлишини тилаб қоламиз.
ЎЗАРО УЧРАШУВЛАР
2004 йил
2004 йил 15 март. “Қизилқум” — “Локомотив” — 0:0
2004 йил 5 ноябрь. “Локомотив” — “Қизилқум” — 5:0
2005 йил
2005 йил 16 апрель. “Қизилқум” — “Локомотив” — 1:1
2005 йил 25 октябрь. “Локомотив” — “Қизилқум” - 1:3
2006 йил
2006 йил 7 май. “Локомотив” — “Қизилқум” — 1:1
2006 йил 9 сентябрь. “Қизилқум” — “Локомотив” — 1:0
2007 йил
2007 йил 26 май. “Қизилқум” — “Локомотив” — 1:0
2007 йил 16 сентябрь. “Локомотив” — “Қизилқум”- 3:0
2008 йил
2008 йил 5 июль. “Қизилқум” — “Локомотив” — 1:0
2008 йил 16 август. “Локомотив” — “Қизилқум” — 2:1
2009 йил
2009 йил 29 июнь. “Қизилқум” — “Локомотив” — 1:0
2009 йил 7 август. “Локомотив” — “Қизилқум” — 2:1
2010 йил
2010 йил 3 апрель. “Қизилқум” — “Локомотив” — 0:1
2010 йил 21 октябрь. “Локомотив” — “Қизилқум”- 1:0
2012 йил
2012 йил 25 июнь. “Локомотив” — “Қизилқум” — 0:1
2012 йил 8 август. “Қизилқум” — “Локомотив” — 1:1
2013 йил
2013 йил 31 май. “Локомотив” — “Қизилқум” — 3:1
2013 йил 26 август. “Қизилқум” — “Локомотив” — 1:0
2014 йил
2014 йил 16 май. “Локомотив” — “Қизилқум” — 4:1
2014 йил 26 сентябрь. “Қизилқум” — “Локомотив” — 2:3.
2015 йил
2015 йил 6 июнь. “Локомотив” — “Қизилқум” — 1:0..
