“Ливерпуль” ҳимоячиси Натаниэл Клайн жамоанинг янги устози Юрген Клопп ҳақидаги фикрлари билан ўртоқлашди.
“Клопп дастлабки йиғилишдаёқ ўйинчиларга руҳий жиҳатдан кучли жамоа бўлишимиз кераклигини уқтирди. Қолаверса, у янги клубда соврин ютишни истаётганини ҳам қўшимча қилди. Барча унинг қандай ўйин услубини хоҳлашини яхши билади. У биздан рақибга кучли босим ўтказиб, нафас ростлашига ҳам имкон қолдирмаслигимизни талаб қилади. Шахсан менга бундай футбол маъқул тушмоқда”, - дейди Клайн.