Бугун Фарғонадаги “Истиқлол” стадионида Олий лига 28-туридан ўрин олган “Нефтчи” – “Қўқон-1912” жамоалари ўртасдаги учрашув бўлиб ўтади.
Мазкур ўйинда ҳам жамоамиз жиддий йўқотишларга дуч келди. Бугунги баҳсда “Қўқон-1912” етакчилари: Носир Отақўзиев, Отабек Ҳайдаров, Ойбек Нурбоев ва Шохруҳ Холматовлар майдонга туша олишмайди. Бунинг сабаби юқорида санаб ўтилган футболчилар ҳуқуқий жиҳатдан “Нефтчи”га тегишли бўлиб, жамоамиз сафида ижара асосида тўп суришмоқда.
Эслатиб ўтамиз, вилоят дербиси мақомини олган ушбу учрашув бугун соат 16:00да бошланади.
Бугунги беллашувда ҳам “Қўқон-1912″га омад тилаб қоламиз.
