Ўтган ёзда кўпроқ ўйин амалиётига эга бўлиш мақсадида “Барселона”дан “Челси”га кўчиб ўтган ҳужумчи Педро яна Испанияга қайтиши мумкин. Бу ҳақда Bombardir.ru хориж ОАВга таяниб хабар тарқатди.
Дастлаб испан ўйинчисининг олдида Лондон клуби ва “Манчестер Юнайтед” вариантлари бор эди. Педро “Челси”ни танлади, аммо Моуриньо жамоаси кутилмаганда мавсум стартини ўта бўш ўтказди.
Воқеаларнинг бу тарзда кечиши испан футболчисига ёқмаяпти ва у ўз норозилигини жамоадошларига, жумладан Сеск Фабрегасга айтган.
Хабарларга кўра, Педро айни вақтда “Барселона”га қайтиш тўғрисида ўйламоқда.
