Туркия чемпионати доирасидаги “Трабзонспор” ва “Газиантепспор” жамоалари учрашувини (2:2) бошқарган ҳакам ўйиндан сўнг стадионни тарк эта олмади.
Учрашувнинг сўнгги дақиқаларида меҳмонлар футболчиси ўз жарима майдони ичкарисида тўпни қўли билан ўйнайди. Аммо ҳакам ушбу вазиятга эътибор қаратмай, пенальти белгиламайди.
Бундан норози бўлган “Трабзонспор” мухлислари арбитрни стадиондан чиқишда кутиб туришади. Аламзада ишқибозлар таъқибидан асраш мақсадида клуб президенти ҳакамни кийиниш хонасига қамаб қўяди.
Ҳакам у ерда 4 соат давомида қолиб кетади. Вазиятга шахсан мамлакат президенти Таийп Эрдоганнинг аралашувидан сўнггина ҳакамга стадионни тарк этишга рухсат берилган, дейилади Bombardir.ru хабарида.
