Бугун бўлиб ўтган "Машъал" - "Пахтакор" (1:2) учрашувидан сўнг матбуот анжуманининг иккинчи қисмида мезбонлар бош мураббийи Александр Хомяков иштирок этди ва саволларга жавоб қайтарди, дея хабар бермоқда "Машъал" расмий сайти.
"Ҳар қанча ҳаракат қилмайлик рақибдан очко ололмадик. Йигитларим ажойиб ўйнашди. Биринчи бўлимда атайин устунликни рақибга бердик ва қарши ҳужумда ўйнашга уриндик. Бироқ бизга совуққонлик етишмади. Рақибнинг олдинги учрашувларига қараб, ўйинларини кўриб шунга муносиб тактик ўйин олиб бордик. Бизда буни ташкил этишда куч етмай қолди. Паслар хато бўлаверди. Иккинчи бўлимда ҳам ҳимояда ўйнадик. Афсуски керак бўлмаган голлар ўтказиб юбордик. Ўйинда ҳаракатларимиз ўхшамади. Ҳар икки бўлимга қўшилган дақиқалар рақиб фойдасига ишлади. Рақибни ғалаба билан табриклайман", - дейди Александр Хомяков
