АПЛ 11-тури доирасида "Челси" ўз майдонида "Ливерпуль"ни қабул қилиб, 1:3 ҳисобида имкониятни бой берди. "Мерсисайдликлар" янги устози Юрген Клопп принципиал учрашувда нафақат муҳим 3 очкони, балки, мухлислар томонидан узоқ кутилган ғалабани ҳам олиб келди.
"Ливерпуль" 4 йил деганда "Стэмфорд Бриж"да илк ғалабасини нишонлади ва айнан ушбу натижани германиялик мутахассис қайд этди. Сўнгги бор "қизиллар" 2011 йил 20 ноябрда Лондонда ғалаба қозонишган эди.
Ўз навбатида, навбатдаги муваффақиятсизликдан сўнг "Челси" устози Жозе Моуриньо жамоани тарк этиши мумкин.