Мадриднинг «Реал» клуби бош мураббийи Рафаэль Бенитес жамоасининг «Лас-Пальмас» устидан қозонилган ғалабаси ҳақида фикрларини билдирди.
«Биз яна ажойиб биринчи таймни ўтказдик. Ўйин старти яхши бўлди, дастлабки чорак соат ичида икки гол киритдик. Лекин биз иккинчи бўлимда тўпни яхши бошқара олмадик. Шундай экан биз фақатгина дастлабки 45 дақиқадагина яхши ўйин кўрсатдик».
«Мен бугун асосий таркибда туширган ўйинчилар ўзларини яхши кўрсатишди. Хесе, Лукас Васкес ва Каземиро жамоага очко йиғишда ўз хиссаларини қўшишмоқда. Ўйинга туша олмаган футболчилар ўз устида кўпроқ ишлашлари ва асосий таркибга кириш учун меҳнат қилишлари лозим».