Бугун Олий лиганинг 29-тури олдидан Тошкентда "Локомотив" ва "Машъал" ёшлари баҳси бўлиб ўтди. Унда "темирйўлчилар" йирик ҳисобда имкониятни бой берди.
Учрашувнинг биринчи бўлими тенг курашлар остида кечди. Ҳар икки жамоа ҳам яққол вазиятларга эга бўлмади. 25 дақиқада Марадона Сафаров бирга-бир вазиятга чиқиб борганда тўпни ўзида назорат қила олмади. 36 дақиқада ўнг қанотдан узатилган пасни Воҳид Юнусов дарвозага аниқ йўллаб ҳисобни очди. Бўлимда бошқа ҳисоб ўзгармади.

Иккинчи бўлимни вакилларимиз ҳужумкор бошлади ва бунинг натижасида 50 дақиқада қарши ҳужумда жазоланди. Воҳид Юнусов иккинчи марта дарвозани ишғол этди. 63 дақиқада Муйдин Мамазулумовни қанотдан узатган пасини Иброҳим Раҳимов дарвозага аниқ йўллади ва жамоасининг учинчи голига муаллифлик қилди. 70 дақиқада Жасур Бобоeвни зарбасини ҳимоячи қўли билан қайтариб қолгани учун бош ҳакам 11 метрлик нуқтани кўрсатди. Сардор Абдураимов пеналтидан унумли фойдаланиб ҳисобни қисқартирди. 82 дақиқада Муйдин Мамазулумов ҳимоячилардан қочиб кетган ҳолда Қувватов дарвозасини ишғол этди. Орадан икки дақиқа Марадона Сафаров қанотдан узатилган пасини боши билан дарвозага жойлаб қўйди. Ўйинда бошқа ҳисоб ўзгармади.

Учрашувда бошқа ҳисоб ўзгармади ва ёшларимиз бу мағлубиятдан сўнг очколари ўзгаришсиз 53 талигича қолди ва турнир жадвалида учинчи поғонада қолди.
Энди ёшларимиз навбатдаги тур баҳсини ўз майдонида 19 ноябр куни кичик воҳа дербиси доирасида "Насаф"га қарши ўтказади.

Ёшлар лигаси, 29-тур
"Локомотив" - "Машъал"  4:2
Голлар: 1:0 Воҳид Юнусов (36), 2:0 Воҳид Юнусов (50), 3:0 Иброҳим Раҳимов (63), 3:1 Сардор Абдураимов (70), 4:1 Муйдин Мамазулумов (83), 4:2 Марадона Сафаров (84)
Огоҳлантиришлар: Азиз Файзиeв (5)

"Локомотив": 12.Маъмур Икромов (c), 8.Жаҳонгир Сафаров, 9.Дилшод Эргашев, 10.Бобур Тиллабоeв, 15.Воҳид Юнусов, 16.Бобур Эргашев, 17.Евгений Тоноeв, 19.Улуғбек Абдуллаeв, 20.Фарруҳ Ибрагимов, 22.Ҳумоюн Аъзамов, 28.Иброҳим Раҳимов.
Захира: 25.Сарвар Каримов, 6.Жаҳонгир Сакиeв, 11.Даврон Турғунов, 14.Жамшид Каримов, 18.Рустам Ҳамроeв, 41,Шоҳруҳ Мўминқулов, 77.Муйдин Мамазулумов.

"Машъал": 1.Санжар Қувватов (35.Сардор Шарофов 85), 15.Искандар Шайқулов (31.Нажмиддин Қувончиeв 80), 16.Холмурод Холмуродов (47.Бакир Муртозаeв 70), 27.Муҳаммадали Тошпўлатов, 28.Марадона Сафаров, 29.Сардор Абдураимов, 36.Абдулла Набиeв (46.Жасур Бобоeв 46), 39.Жонибек Мирзақулов (32.Муҳриддин Ризвонов 70), 40.Азиз Файзиeв (48.Ҳумоюн Муртозаeв 68), 43.Муҳаммадали Алиқулов, 45.Аббос Шодмонов (4.Юнус Очилдиeв 46).