Футбол бўйича Ўзбекистон миллий чемпионати аста-секинлик билан ўз ниҳоясига етмоқда. Шу йилнинг март ойида старт олган олий лига мусобақаси яна икки турдан сўнг ўз ниҳоясига етади.
29-турда “Бухоро” жамоаси Фарғонанинг “Нефтчи” жамоасини қабул қилади. Ушбу учрашув 5 ноябр, соат 14:00да бошланади. “Бухоро”нинг ушбу учрашуви 2015 йилги мавсумда ўз уйидаги энг сўнгги расмий учрашуви саналади. Шу муносабат билан учрашув якунланганидан сўнг “Бухоро” спорт мажмуасида чемпионатнинг тантанали ёпилиш маросими ўтказилади.
Бу учрашув жамоамиз учун жуда катта аҳамиятга эга эканлигини барча яхши тушуниб турибди. “Бухоро” олий лигада жон сақлаш учун курашишда давом этмоқда. Ҳар бир учрашув бухороликлар учун жуда муҳим. Бутун жамоа энг оғир дамда айнан Сиз азиз мухлисларнинг қўллаб-қувватлашларингизга муҳтож.
Барча мухлисларни 5 ноябр куни, соат 14:00да бўлиб ўтадиган “Бухоро”-“Нефтчи” учрашувига таклиф қиламиз.
Олий лига-2015. 29-тур
“Бухоро” спорт мажмуаси. Соат 14:00
“Бухоро” (Бухоро)-“Нефтчи” (Фарғона)
Ушбу учрашувдан бир кун олдин, яъни 4 ноябр куни ҳар иккала жамоа ёшлари ўзаро беллашадилар. Бу учрашув ҳам “Бухоро” спорт мажмуасида соат 14:00да бошланади.
Ёшлар лигаси. 29-тур.
“Бухоро” спорт мажмуаси.Соат 14:00
“Бухоро” (ёшлар)-“Нефтчи” (ёшлар)
