“Челси” клубининг собиқ ҳужумчиси Андрей Шевченко жамоа устози Жозе Моуриньони қўллаб-қувватлаб чиқди.
“Моуриньо – улкан тажрибага эга ажойиб мураббий. У жамоа билан қандай ишлаш кераклигини яхши билади. Баъзан вазиятни ўнглаш учун маълум вақт талаб этилади. Мураббийни зудлик билан истеъфога чиқариш эса кутилган натижани бермаслиги мумкин.
Моуриньо сўнгги ўн йилликдаги дунёнинг энг муваффақиятли мураббийларидан бири ҳисобланади. Муаммони ҳал қилиши учун унда барча сифатлар етарли. Мен Моуриньонинг “Челси”да қолишига ишонаман”, - дея Еuro-football.ru Goal.com порталига таяниб Андрей Шевченконинг сўзларини келтиради.
Эслатиб ўтамиз, “аристократлар” ҳозирда 11 турдан сўнг 11 очко билан АПЛда 15-ўринни эгаллаб турибди.
