Испаниялик шифокор Хосе Гонсалес "Реал" ҳимоячиси Марселонинг Испания чмпионати 12-тури доирасида ўтказиладиган «Барселона»га қарши ўйинда иштирок этиш имконият борасида ўз фикрларини билдириб ўтди.
Бразилиялик футболчи "ПСЖ"га қарши бўлиб ўтган Чемпионлар лигаси баҳсида жароҳат олиб, майдонни эрта тарк этганди.
«Марсело каби футболчилар кичик оғриқ туфайли майдонни тарк этмайди. Менимча, унинг жароҳати оддий эмас. Ҳозирча унинг жароҳати қай даражада жиддий эканини айтиш қийин. Бироз кутиб, кейин футболчининг оёғини текширувдан ўтказиш керак. Тахминимча, у камида 4 ҳафта давомида майдонга туша олмайди ва "Барселона"га қарши ўйинни ўтказиб юборади», — дейди Гонсалес.