«Ювентус» ярим ҳимоячиси Поль Погба «JTV» телеканалининг «Filo Diretto» дастури меҳмони бўлди. Дастур давомида Погба бошловчининг кўплаб саволларига жавоб берди ва футболдаги ўз олдига қўйган мақсадларини айтди.
«Мен кўча-куйда ҳар сафар ногирон ва заиф болаларни кўрганимда соғлом бўлиб туғилганим учун яратгандан қарздор эканимни ҳис қиламан. Қолаверса ҳаётда ўзим севган касб билан шуғулланмоқдаман. Футбол менинг учун биринчи навбатда иш. У орқали ўзимга яраша обрў орттирдим. Келажакда ўз устимда ишлаб бу соҳада янада баланд чўққиларни забт этмоқчиман. Хусусан, дунёнинг энг кучли футболчисига бериладиган «Олтин тўп» совринини қўлга киритмоқчиман»,- дейди Погба.
