"Арсенал" клуби бош мураббийи Арсен Венгер "Тоттенҳэм"га қарши ўйин олдидан ўз фикрларини билдириб ўтди.

"Тоттенҳэм" - ҳимояда яхши ўйин намойиш қиладиган жамоа. Улар жуда тезкор ҳаракат қилишади. Бу мавсум бор-йўғи бир марта мағлубиятга учрашди ва бир нечта дуранг қайд этишди.

Бу жамоа ҳар доимгидек биз учун қийин рақиб бўлиши аниқ.

Ҳарри Кейн ажойиб футболчи. Менимча, уни келгусида ёрқин фаолият кутиб турибди. Аммо "Тоттенҳэм"да тўп сурган футболчини жамоамизга таклиф қилишни хаёлимизга ҳам келтирмаймиз", - дейди Венгер.

"Ким чемпион бўлиши ҳақида гапириш учун ҳали жуда эрта. Биз юқоридаги ўрнимизни сақлаб қолишга ҳаракат қиламиз. Мавсум якунланишига 5-6 тур қолганидагина бу ҳақда аниқроқ гапириш мумкин.

Бизда чемпионлик учун имконият бор, лекин келгусида нима бўлишини билмаймиз.

Албатта "Тоттенҳэм" турнир жадвалида бизга яқин жойлашган. Жамоа даражаси ҳам бизга яқин, лекин тенг эмас. Чунки, биздаги янги стадион ("Эмирайтес") бизга устунлик беради. Бизда ҳам 38 минг кишилик стадион ("Ҳайбери" - кун.уз изоҳи) бўлган вақтда жамоалар бир хил даражада эди.

Биз стадион қурилиши учун олинган қарзларни тўлаб бўлганмиз. Ҳозирда биз кучлироқмиз", деб давом этади Венгер.