"Манчестер Юнайтед" жамоаси бош мураббийи Луи ван Гаал мухлислардан футболчиларни танқид қилмасликни сўради.
"Мухлисларимиз жамоа томон қаратилган барча норозиликларини футболчиларга эмас, фақат менга айтишларини истайман.
"Манчестер Юнайтед" учун ўйнаш жуда қийин, футболчилар шундоқ ҳам доимий босим остида бўлишади. Агар улар "Олд Траффорд" стадиони трибуналаридан ўзларига ҳуштакбозликлар қилинишига дуч келишса, босим янада ортади.
Яхшиси, барча ҳуштакбозликларингизни менга қаратинг. Мен бунга чидай оламан.
Футболчилар мухлислар учун ўйнашади. Мухлислар шуни тушинишлари керакки, уларнинг танқидлари фақат рақибга фойда келтиради", дейди ван Гаал.
