Ўз вазифасидан четлаштирилган ФИФА президенти Йозеф Блаттер шифокорлар назорати остида бўлиб турибди. Бу ҳақда швейцариялик амалдорнинг маслаҳатчиси Клаус Штелкер маълум қилган.
“У айни вақтда жиддий тушкунликни бошдан кечирмоқда. Шу сабабли унинг саломатлигини шифокорлар назорат қилишяпти. Бу жараён бир неча кун давом этиши мумкин. Блаттер барча тарафдан ўта юқори босимни ҳис қиляпти. У анча кексайиб қолган, шу сабабли назаримда, босимга дош бериш Блаттер учун оғирлик қиляпти”, - дея Eurosport.ru Рейтер агентлигига таяниб Штелкернинг сўзларини келтиради.
