Бир йўла олти клуб “Ювентус” ҳимоячиси Даниэле Ругани билан шартнома имзолашни хоҳламоқда, деб хабар тарқатди Sports.ru.
“Манчестер Юнайтед” ва “Арсенал” футболчи атрофидаги вазиятни синчклаб кузатиб боряпти. Аввалроқ Руганининг агенти агар 21 ёшли италиялик футболчи етарли ўйин амалиётига эга бўлмаса жамоасини ўзгартириши мумкинлигини айтганди.
Италян жамоалари орасида ҳам Ругани хизматларига қизиқиш юқорию “Наполи” футболчининг трансферини сотиб олишга тайёр. “Сампдория”, “Лацио” ва “Фиорентина” эса уни мавсум охиригача ижарага олишни кўзламоқда.
