Германия терма жамоаси бош мураббийи Йоахим Лёв Франция ҳамда Голландия термалари билан бўладиган ўртоқлик учрашувиларида иштирок этадиган футболчилар рўйхатини эълон қилди.

Лёв бу сафар терма жамоасининг асосий ўйинчилари Тони Кроос ва Месут Ўзилга дам беришга қарор қилди. Уларнинг ўрнига эса "Вольфсбург" аъзоси Юлиан Дракслер ва Марио Гомесни синаб кўрадиган бўлди. Эслатиб ўтамиз, Гомес сўнгги марта 2014 йил сентябрда терма жамоа либосини кийган эди.

Шунингдек, Дортмунднинг "Боруссия" клуби ярим ҳимоячиси Марко Ройс Европа лигаси 4-турида "Габала" билан бўлган учрашувда (4:0) жароҳат олганлиги сабабли икки ҳафта майдонга туша олмайди ва терма жамоанинг бу йилги йиғинини ўтказиб юборди.

Дарвозабонлар: Мануэль Нойер ("Бавария"), Бернд Лено ("Байер"), Кевин Трапп ("Пари Сен-Жермен"), Рон-Роберт Цилер ("Ганновер 96").

Ҳимоячилар: Жером Боатенг ("Бавария"), Эмре Жан ("Ливерпуль"), Матиас Гинтер ("Боруссия" Дортмунд), Йонас Гектор ("Кёльн"), Матс Хуммельс ("Боруссия" Дортмунд), Шкодран Мустафи ("Валенсия"), Антонио Рудигер ("Рома"), Себастьян Руди ("Хоффенхайм 1899").

Ярим ҳимоячи ва ҳужумчилар: Карим Беллараби ("Байер"), Юлиан Дракслер ("Вольфсбург"), Марио Гомес ("Бешиктош"), Илкай Гюндоган ("Боруссия" Дортмунд), Сами Хедира ("Ювентус") Кристофф Крамер ("Байер"), Макс Крузе ("Вольфсбург"), Томас Мюллер ("Бавария"), Лукас Подольски ("Галатасарой"), Лерой Сане ("Шальке 04"), Андре Шюррле ("Вольфсбург"), Бастиан Швайнштайгер ("Манчестер Юнайтед") Кевин Фолланд ("Хоффенхайм-1899").

Бундестим 13 ноябрь куни Парижда Франция термаси билан куч синашса, орадан тўрт кун ўтиб, Ганноверда Голландия термасига қарши майдонга тушади.