Ўзбекистон терма жамоаси "Жар" стадионида Яманга қарши ўйинга тайёргарликни давом эттирмоқда. Жамоамиз сардори Одил Аҳмедов ЎФФ матбуот хизматига интервью берди.
"Шимолий Кореяга қарши ўйиндаги ғалабадан кейин футболчиларнинг кайфияти аъло даражада. Яхши кайфият билан машғулотларда иштирок этиб, кейинги ўйинга тайёргарлик кўряпмиз.
КХДР билан ўйиннинг эртасигаёқ у ғалаба ҳақида унутдик ва бор эътиборимизни Яманга қарши ўйинга қаратдик. Яманликларнинг гуруҳда охирги ўринда бораётгани биз учун аҳамиятга эга эмас. Аввалги ўйинларга қандай тайёргарлик кўраётган бўлсак, Яман билан ўйинга ҳам шундай тайёргарлик олиб боряпмиз.
Футболда ҳисобни олдиндан аниқ айтиб бўлмайди. Аввало 3 очкони қўлга киритишга ҳаракат қиламиз. Имконияти бўлса йирикроқ ҳисобда ғалаба қозониб, мухлисларни хурсанд қилишни мақсад қилганмиз", - дейди Одил Аҳмедов.