“Барселона” ҳужумчиси Лионель Месси “Реал”га қарши “Эль-класико” ўйини олидан жароҳатдан иложи борича тезроқ халос бўлиш мақсадида тинимсиз ишламоқда.

Каталония клубининг кўплаб футболчилар терма жамоалар ихтиёрига йўл олишгани туфайли клуб бош мураббийи Луис Энрике қолган ўйинчиларга хордиқ чиқариш имкониятини тақдим қилганди.

Шунга қарамай Месси бугун Херард Лопес қўл остидаги “Барселона” ўсмирлар терма жамоасининг жисмоний машғулотларида иштирок этди.

Якшанбада аргентиналик форвард дам олмоқчи, душанбадан яна “кўк-анорранглилар” биринчи жамоаси билан бирга класико баҳсига тайёргарликни давом эттиради.

“Реал” – “Барселона” учрашуви 21-ноябрь куни бўлиб ўтади, Тошкент вақти 22.15да бошланади.