"Реал" ярим ҳимоячи Франко Мастантуонони ижарага бериш имкониятини кўриб чиқмоқда.
Мадридликларнинг фикрича, юқори рақобат туфайли футболчининг ўсиши секинлашган. "Қаймоқранглилар" Мастантуонога мунтазам ўйин амалиёти бериш мақсадида уни бошқа клубга ижарага беришлари мумкин. "Реал" бундай миқёсдаги истеъдод эгасининг захира ўриндиғида қолиб кетишини истамаяпти.
Франко Мастантуоно Мадрид клубига ўтган ёзда келиб қўшилган эди. Бунгача футболчи "Ривер Плейт" шарафини ҳимоя қилган. Аргентина чемпионатида ярим ҳимоячи 24 та ўйин ўтказиб, битта гол ва учта голли узатмани амалга оширган.













