Ярим ҳимоячи Скотт Мактоминай 2024 йилнинг ёзида кўчиб ўтган «Наполи» жамоасида ўзини кўрсатишда давом этмоқда. Шунга қарамай, шотландиялик футболчи ўз тарбия топган клубга қайтишни орзу қилмоқда.
The Touchline нашрининг хабар беришича, Мактоминай «Манчестер Юнайтед»га қайтиш ва жамоанинг асосий фигурасига айланишни истамоқда. Скотт ҳали ҳам клубни ва унинг мухлисларини жуда яхши кўради — футболчи «Олд Траффорд»даги фаолияти қандай якунланганидан қатъи назар, клубдан хафа эмас.
Скотт Мактоминай «Наполи» сафида жами 70 та расмий ўйинда майдонга тушиб, ўз ҳисобига 23 та гол ва 10 та голли узатмани ёздириб қўйишга улгурди.
Нуфузли Transfermarkt портали Мактоминайнинг трансфер қийматини 45 миллион еврога баҳоламоқда.
