Маркус Рэшфорд "Манчестер Юнайтед"дан ижарага олинган ҳолда "Барселона"да тўп тепмоқда. Каталонияликлар мавсум якунида инглиз футболчисини сотиб олиш ёки олмасликлари борасидаги қарор ҳали ноаниқ бўлиб турибди.
"El Nacional" нашрининг хабар беришича, "Барселона" бош мураббийи Ханс-Дитер Флик агар клуб бошқа бир футболчини қўлга кирита олса, Рэшфорддан воз кечишга тайёр. Гап "Манчестер Сити" футболчиси Савио ҳақида кетмоқда. Флик тактик жиҳатдан бразилиялик футболчи унинг ўйин тизимига яхшироқ мос тушади деб ҳисобламоқда.
21 ёшли Савионинг трансфер қиймати 45 миллион еврога баҳоланмоқда.
Ҳозирда "Барселона" Испания Ла Лигаси турнир жадвалида пешқадамликни давом эттирмоқда.













