“Қўқон-1912” жамоаси Олий лигадаги 310-ўйинини ўтказиш арафасида. 10-мавсум элитада иштирок этаётган қўқонликлар шу кунга қадар 309 та учрашув ўтказишга  муваффақ бўлишди.

Шуларнинг 115 тасида жамоамиз ғалаба қозонган. 37 учрашувда ғолиб номи аниқланмаган. 157 та ўйинда мағлубиятга учраган. Тўплар нисбати 431 – 594. Умумий очколар 382 тани ташкил этади.

“Бунёдкор” билан бўладиган учрашув жамоамизнинг 310-ўйини сифатида тарихда қолади.

Айтганча, 25-тур доирасидаги “Локомотив”га қарши кечган баҳс жамоамизнинг Олий лигадаги 305-ўйини сифатида қайд этилган эди.

Навбатдаги учрашувда жамоамизга омад тилаб қоламиз.