“Бунёдкор” – “Қўқон-1912” учрашувидан кейинги матбуот анжуманининг биринчи қисмида қўқонликлар устози иштирок этди.
- Ўйин ҳақида нима ҳам дердим? “Қозонда бори чўмичга чиқади”, дейишади. Ўйин борасида Бор гапим шу! Мавсум давомида жамоамиздан айнан кимнидир энг яхши бўлди, деёлмайман. Футбол – жамоавий ўйин!
Янги мавсумга қаратилган тайёргарликни 19 декабрдан бошлаймиз. Лекин ўзгаришлар борасида аниқ гап айта олмайман. Чунки бу борадаги қарорни клуб раҳбарияти қабул қилади. Ҳаммани мавсум якунланганлиги билан табриклайман. ОАВ вакилларини ҳурмат қиламан. Журналистларнинг футболимиз ривожига қўшаётган ҳиссалари сезиларли даражада, деб ўйлайман, - дейди Вадим Шокиржонович.