Бразилия чемпионати 35-турида Сан-Паулунинг "Коринтианс" жамоаси сафарда "Васко да Гама" билан 1:1 ҳисобида дуранг қайд этиб, муддатидан олдин чемпионликни расмийлаштирди.

72-дақиқада Сезар Родигьеро ҳисобни очган бўлса, 82-дақиқада Россиянинг ЦСКА клубининг собиқ форварди Вагнер Лав жавоб тўпини киритиб, жамоасига чемпионликни тақдим этди.

Мазкур ўйин билан параллел кечган баҳсда "Атлетико Минейро" сафарда "Сан-Паулу"га 4:2 ҳисобида имкониятни бой бериб қўйди.

Шундай қилиб, "Коринтианс" турнир жадвалида иккинчи ўринда бораётган "Атлетико Минейро" билан орадаги фарқ 12 очкога оширди ва олтинчи марта (1990, 1998, 1999, 2005 ва 2011) Бразилия чемпионлигини қўлга киритди.

Эслатиб зтамиз, чемпионат яна уч турдан сўнг якунига етади.

Бразилия чемпионати, 35-тур
"Васко да Гама" – "Коринтианс" – 1:1
Голлар: Сезар 72 - Вагнер Лав 82.
Огоҳлантиришлар: Родриго 36, Дигиньо 50 – Жадсон 49, Эдилсон 58, Лукка 87.
Четлатиш: Родриго 62.

"Сан-Паулу" – "Атлетико Минейро" – 4:2
Голлар: Кардек 69, 85, Бастос 75, Фабиано 90+1 (пен.) - Луан 57, Датоло70.