Эртага, 21-ноябр куни Хитойнинг Гуангжоу шаҳрида ОЧЛ-2015 ФИНАЛининг жавоб учрашуви бўлиб ўтади. Унда БААнинг “Ал-Аҳли” ҳамда Хитойнинг “Гуангжоу Эвергранд” жамоалари ўзаро баҳслашиб олишади. Жамоаларнинг Дубаида ўтган ўзаро учрашувида нурсиз дурранг қайд этилган эди. Демак барчаси бугун хал бўлади.
Бугун ушбу жамоалар бош мураббийлари ўртасида ўйин олди матбуот анжумани бўлиб ўтди. Матбуот анжуманинг иккинчи қисмида мезбонлар бош мураббийси – Луис Филипе Сколари иштирок этди ва ўз фикрлари биланн ўртоқлашди:
Умид қиламизки, эртанги учрашувда илк ўйиндагидан кўра яхшироқ ўйин кўрсатамиз ва ғалаба қозонамиз. Агар футболчиларим кўрсатмаларимни тўғри бажаришса ва ўзаро бир бирларини тушуниб ҳаракат қилишса ҳаммаси яхши бўлади. Аксинча бўлса муаммолар юзага келиши мумкин. Ўйинга тайёргарлик ҳам яхши бўлди, ҳаммаси режадагидек ўтди. Футболчилар ўз имкониятлари даражасида ўйнашга тайёр. Жамоада кучли футболчилар тўпланган улар билан ишлаш менга завқ бағишлайди.
Ахрорбек Азизов Гуангжоудан www.voha.uz учун маҳсус.
