“Реал”нинг машҳур мухлисларидан бири бўган испаниялик таниқли теннисчи Рафаэль Надаль “Қироллик клуби” президенти Флорентино Пересга ишонишда давом этишини тан олди.
Надаль Испания Примераси 12-тур “Барселона” билан ўйинда қайд этилган йирик мағлубиятга қарамай клуб раҳбариятини қўллаб-қувватламоқда.
“Реал”да ишлаётган одамлар катта тажрибага эгалар. Содир бўлган воқеа сабаб шошилинч қарор чиқариш ярамайди. Пересга қаттиқ ишонаман, у доим клуб манфаатлари учун хизмат қилган. Клуб узоқ вақт давомида ЕЧЛ чорак финалига чиқа олмаётганди, Перес бошқарувга қайтганидан кейин эса жамоа ўзи иштирок этаётган барча мусобақаларда ғолиблик учун курашаяпти”, — дея Надаль сўзларини келтиради Marca га асосланиб Championat.com.
