“Марсель” бош мураббийи Мичель Гонсалес Испания Примераси 12-тур “Реал” – “Барселона” учрашувидан кейин муҳокама қилинаётган мавзу яъни Мадрид клуби бош мураббийи Рафаэль Бенитес ўрнини Зинедин Зидан эгаллаши мумкинлиги юзасидан кескин фикр билдирди.
“Бенитес ҳали ҳам “Реал” устози экан, Зидан ҳақидаги гаплар менга ҳурматсизлик бўлиб туюлаяпти. Бу жуда қўпол муносабат. Бенитес узоқ вақт давомида ушбу лавозимда қолишига ишонаман”, — дея Мичель сўзларини кетиради Marca га асосланиб Championat.com.
Аввал Зиданнинг ўзи ҳам “Реал”ни қабул қилиб олишга ҳали тайёр эмаслигини айтиб ўтганди.
