«Манчестер Сити» ярим ҳимоячиси Яя Туре ўзининг клуб билан муносабатларига изоҳ берди.
«Менга ушбу клуб кўп нарса берди. Ҳар доим жамоага ёрдам беришни хоҳлаганман. Бу клубда фаолиятимнинг якунига қадар тўп сурмоқчиман. Менинг «Манчестер Сити» билан алоқам гўё эр ва хотин ўртасидаги муносабатга ўхшайди. Эр ва хотин вақти-вақти билан келишолмай қолишсада, уларнинг ўртасидаги севги барчасини мувозанатда ушлаб туради. Мен жамоамни ўз аёлимдан кам севмайман. Шундан келиб чиқиб бу клубни дунёдаги энг кучлиларидан бирига айлантириш учун боримни беришга тайёрман”,-дейди Туре.
