Биласиз, куни кеча Осиё Чемпионлар Лигасининг 2015-йилги мавсуми ўз ниҳоясига етди. Финалда БААнинг “Ал Аҳли” клубини кичик ҳисобда мағлуб этган Хитойнинг “Гуанчжоу Эвергранд” жамоаси Осиё Чемпионлар Лигаси ғолибига айланди.
ОФК матбуот хизмати қитъамизнинг клублар миқёсидаги энг нуфузли мусобақаси рамзий жамоасини маълум қилди. Унга кўра, Масааки Ҳигашигучи, Жан Линпенг, Квон Кюнг Вон, Ким Юнг Гвон, Ёсир Ал Шаҳрони, Ҳуанг Бовен, Женг Жи, Мажид Ҳасан, Аҳмад Ҳали, Элкесон, Рикардо Гуларт каби футболчилар ортда қолган мавсум терма жамоасидан жой олишди.
Таъкидлаш жоизки, рамзий жамоада асосан финал ўйини иштирокчиларига ўрин берилган. Ўзбекистонлик футболчилардан эса бирортаси ҳам рамзий жамоадан жой олмади.
